شعر شعبي عراقي رائع عن الانثى 


  

  
انته شفاف وترف جكليت بيــــــــك
والسمــــــار البيك معجون بــــعسل 
وحتى غصن البان من طولك يغـار
عـــرف لون شفايفك ورد وخــــجل 
وراح اوصف طولك بشعري البسيط 
بلكي اتوفق وأجي بوصفي عــــــدل 
انتي يــا ناكة حسن من يا ديــــــــار 
حله لو بغداد لو أرض الكــــــــــفل 
حمره لون خدودج وبيهن سمـــــــار 
وعفيه ركبه الدوخت حتى الطـــــفل 
وبعد ما انزل وصف يا ناس اخــاف 
خاف لا اوصـــــــل مراحل واشتعل 
خلي ناخذ يسره يمنه ونعوف العذاب 
عمي وجدانك حـــلو يكتل كــــــتل 
وأنت اعذرني يا غالي ب هالسؤال 
شلون شايل هالزند مـــــــا ينـحمل 
وهسه عدينه الخطر صرنه بأمــان 
خل نسولف عالخصر وبلا خجـــل 
أنت عندك خصر جن ركَبت غزال 
ومنين اجيب أمثال حيرت المـــثل 
اني ما احجي بعد ماضل كـــــلام 
شوف خطواتك ملن كـــــلبي علل 
ولو صبح بيه مرض عــاند يطيب 
هاي رجلينك ترجعلي الأمــــــــل 


مقتبس من اخي وصديقي الغالي 
الشاعـــــــــــــــــــــــر
فقار الكرخي